我们
 作词 : 门俄保
 作曲 : 贡波桑周
ང་ཚོ།
ཚིག སྨིན་དབུས་པོ།
དབྱངས། མགོན་པོ་བསམ་གྲུབ།
ལེན་མཁན། མགོན་པོ་བསམ་གྲུབ།
ང་ཚོའི་ཡབ་མེས་མངའ་མཛད་ཐོག་མ་རེད།
འགྲོ་བ་མི་ཡི་ལོ་རྒྱུས་ང་ཚོའི་ཡིན།
ང་ཚོའི་བླ་རི་སྲིད་པའི་གངས་རྒན་རེད།
འཇིག་རྟེན་འདི་ཡི་གཟི་འོད་ང་ཚོའི་ཡིན།
མི་ཡི་ཐོག་མ། ལོ་རྒྱུས་རིང་བོ།
གོ་ལའི་རྟེན་ཕུར། གཏམ་རྒྱུད་རིང་བོ།
ངའི་རེད་ཁྱོའི་རེད། ང་ཚོ་ཚང་མའི་རེད།
࿄࿄࿄
ང་ཚོའི་མེས་པོས་སུམ་གཉིས་མངའ་དབང་བསྒྱུར།
མཐའ་བཞིའི་རལ་བ་གདན་དུ་བཏིང་མྱོང་ཡོད།
ང་ཚོའི་ཕུགས་ནོར་བཅུ་ཕྲག་རིག་གནས་རེད།
འཛམ་གླིང་ཁྱོན་ལ་འོད་སྣང་འཕྲོས་ཏེ་ཡོད།
ཕ་མེས་བཙན་པོ། མཛད་རྗེས་རླབས་ཆེན།
རིག་གཞུང་གཙང་མ། ཞི་བདེའི་འབྱུང་གནས།
ངའི་རེད་ཁྱོའི་རེད། ང་ཚོ་ཚང་མའི་རེད།
࿄࿄࿄
ང་ཚོའི་བླ་སྲོག་རྡོ་རྗེའི་བྲག་རི་ཡིན།
ཡ་རབས་རང་ཚུགས་བརྟན་པོས་མདུན་དུ་འགྲོ།
ང་ཚོའི་བསམ་བློ་དྭངས་གཙང་ལྷད་མེད་ཡིན།
འཛམ་གླིང་མི་ཡི་གྲལ་ནས་རང་གཤིས་ངོམ།
བླ་སྲོག་བརྟན་པོ། གཤིས་སྤྱོད་ཡ་རབས།
བསམ་བློ་གཙང་མ། སྤོབས་པ་མཐོན་པོ།
ངའི་རེད་ཁྱོའི་རེད། ང་ཚོ་ཚང་མའི་རེད།
RengTsing