父母-心中的太阳
 作词 : གཡུ་ལོ། གཅོད་པ་སྐྱབས།
 作曲 : དམངས་ཁྲོད །
དྲིན་ཕ་མ་སེམས་ཀྱི་ཉི་མ།
ཨ་ལ་ཡེ།
ས་ཐག་རིང་འགྲིམ་པའི་བུ་ཆུང་ང་།།
དྲིན་ཆེན་ཕ་མའི་རེ་བ་ཡིན།།
ལས་རླུང་རྟ་དར་དུས་ཕ་མ་དྲན།།
དྲིན་ཆེན་ཕ་མའི་ཁ་ཏ་དྲན།།
དྲིན་ཕ་མ་སེམས་ཀྱི་ཉི་མ་རེད།།
བུ་ངའི་བསོད་ནམས་དར་རོགས་ཡིན།།
ཨ་ལ་ཡེ།
ས་ཐག་རིང་འགྲིམ་པའི་བུ་ཆུང་ང་།།
ཕ་མའི་སྙིང་གི་ཕྱེད་ཀ་ཡིན།།
རྐྱེན་དཀའ་སྡུག་འཕྲད་དུས་ཕ་མ་དྲན།།
དྲིན་ཆེན་ཕ་མའི་ཁ་ཏ་དྲན།།
དྲི་ཕ་མ་སེམས་ཀྱི་ཉི་མ་རེད།།
བུ་ངའི་དབང་ཐང་དར་རོགས་ཡིན།།
ཨ་ལ་ཡེ།
ས་ཐག་རིང་འགྲིམ་པའི་བུ་ཆུང་ང་།།
ནམ་ཡང་ཕ་མའི་གཅེས་ཕྲུག་ཡིན།།
དྲིན་ཕ་མ་སེམས་ནས་མ་བརྗེད་ན།།
བུ་ཆུང་བསམ་དོན་ཇེ་འགྲུབ་རེད།།
དྲིན་ཕ་མ་བུ་ངའི་ཉི་མ་ཡིན།།
མི་འགྱུར་རྡོ་རྗེའི་བྲག་རི་ཡིན།།