Chonggye Gorshay
 作词 : 琼结民歌
 作曲 : 琼结民歌
༼ འཕྱོངས་རྒྱས་སྒོར་གཞས། ༽
ཚིག་གདངས། འཕྱོངས་རྒྱས་དམངས་གཞས།
གཞས་པ། འཕྱོངས་རྒྱས་བསོད་དབང་།
 སོའོ། པདྨ་ཅན་གྱི་རི་དེ་གང་གི་རི།
 པདྨ་ཅན་གྱི་རི་དེ་གསེར་གྱི་རི།
སོའོ། གསེར་གྱི་རི་ལ་གསེར་གྱི་བྱ་ཞིག་བབས།
བྱ་ལ་བཞུགས་མཁན་མ་རེད་ཐད་མཁན་རེད།
སོའོ། ཁྱེད་རྣམས་པ་ཐད་མཁན་རྣམས་ལ་བཀྲ་ཤིས་ཤོག
ལམ་ལ་རྟ་ལས་མགྱོགས་པའི་བཀྲ་ཤིས་ཤོག
སོའོ། ང་རྣམས་པ་བཞུགས་མཁན་རྣམས་ལ་གཡང་རེ་ཁུག
འཇམ་པོ་བལ་ལས་འཇམ་པའི་གཡང་རེ་ཁུག
འཕྱོངས་རྒྱས་བསོད་དབང་གི་གླུ་གཞས་གསན་པར་སྙིང་དབུས་ནས་བཀའ་དྲིན་ཆེ་ཞུ།
སོའོ། པདྨ་ཅན་གྱི་རི་དེ་གང་གི་རི།
 པདྨ་ཅན་གྱི་རི་དེ་གཡུ་ཡི་རི།
སོའོ། གཡུ་ཡི་རི་ལ་གཡུ་ཡི་བྱ་ཞིག་བབས།
བྱ་ལ་བཞུགས་མཁན་མ་རེད་ཐད་མཁན་རེད།
སོའོ། ཁྱེད་རྣམས་པ་ཐད་མཁན་རྣམས་ལ་བཀྲ་ཤིས་ཤོག
ལམ་ལ་རྟ་ལས་མགྱོགས་པའི་བཀྲ་ཤིས་ཤོག
སོའོ། ང་རྣམས་པ་བཞུགས་མཁན་རྣམས་ལ་གཡང་རེ་ཁུག
འཇམ་པོ་བལ་ལས་འཇམ་པའི་གཡང་རེ་ཁུག
ཧྲགས་སོ་ཧ་ལ།
རྟ་ལ་རྟ་སྒ་གཙུགས་ནས་བཞག་ཡོད།
བཅུ་དྲུག་ལིང་ཤང་གཡོགས་ནས་བཞག་ཡོད།
འགྲོས་དང་གོམ་པ་བརྒྱབ་ནས་བཞག་ཡོད།
བརྒྱབ་པ་རྣམས་ཚོ་ཟུར།
མ་བརྒྱབ་རྣམས་ལ་འུར།
འཕྱོངས་རྒྱས་བསོད་དབང་གི་གླུ་གཞས་གསན་པར་སྙིང་དབུས་ནས་བཀའ་དྲིན་ཆེ་ཞུ།
རྟ་ཕོ་འཁྲིད་ཤོག རྟ་ནག་རྟིང་དཀར་འཁྲིད་ཤོག
ཕྱིའི་འོད་གསལ་གླིང་དཀར་སྟོད་ལ་བག་ཆགས་བཞག་ནས་ཡོང་ཡོད།
མཐུར་མགོ་གཡོགས་ཤོག རག་མཐུར་དངུལ་མཐུར་གཡོགས་ཤོག
ཕྱིའི་འོད་གསལ་གླིང་དཀར་སྟོད་ལ་བག་ཆགས་བཞག་ནས་ཡོང་ཡོད།
ཏིང་ཏིང་བཏགས་ཤོག རྒྱ་ཏིང་བོད་ཏིང་བཏགས་ཤོག
ཕྱིའི་འོད་གསལ་གླིང་དཀར་སྟོད་ལ་བག་ཆགས་བཞག་ནས་ཡོང་ཡོད།
རྟ་སྒ་གཙུགས་ཤོག གསེར་ཚགས་དངུལ་ཚགས་གཙུགས་ཤོག
ཕྱིའི་འོད་གསལ་གླིང་དཀར་སྟོད་ལ་བག་ཆགས་བཞག་ནས་ཡོང་ཡོད།
མེས་པོ་བཀྱོན་ཤོག གེ་སར་རྒྱལ་པོ་བཀྱོན་ཤོག
ཕྱིའི་འོད་གསལ་གླིང་དཀར་སྟོད་ལ་བག་ཆགས་བཞག་ནས་ཡོང་ཡོད།